WALANG TAKOT WALANG ALAMPero lumipat na sa ibang blog

At dahil nakalimutan ko noong December 30 na Rizal Day pala noon, ngayon lang ako magpopost at magbibigay pugay sa idol ko :))

Hindi ito pambabastos, pero isipin mo, paano kaya kung sa panahon natin nabuhay si Dr. Jose Protacio Rizal y Mercado Alonzo?

Pangalawang tanong, tama ba ang nilagay kong buong pangalan niya?

Eto yung ilan sa mga posibleng kung ano ano si Rizal ngayong 2009:

Rizal as Emo Kid:

Dahil uso ngayong panahon natin ang mga emo, posible nga kayang maging emo din ang ating pambansang bayani? Yun bang nakikita natin sa The Fort tuwing may concert ang Typecast o My Chemical Romance... well:



Posible nga na naging emo si Rizal. Sa kalagayan ngayon ng Pilipinas, parang nabigo siya sa layunin niya nang sinulat niya yung mga noblea niya kasi parang lumala lang yung mahal niyang bayan. Malamang, mas pipiliin niya na lang maging emo. Gagawa siya ng mga tula at kakantahin ito ng Chicosci, kung english, at Typecast naman kung tagalog pero may pagka-foreign pa rin yung accent.

Kung mapapanood niya sa TV Patrol at 24 yung mga balita na araw-araw may corruption sa lipunan, maglaslas din kaya siya tulad ng ginawa sa Limasawa, apat na dekada na bago pa man maimbento ang salitang "emo"?

Eh kung magiging emo man siya, ano kaya magiging bagong tawag sa kanya?

JayR Rizal_Emo18?

Pepe the Loner?

The Nigga' from Laguna?


Rizal as a Party Animal:

Dahil mayaman naman si Rizal nung kapanahunan niya, malamang madalas mo siyang makikita sa panahon natin na nagpapalamig sa Eastwood, Malate, o sa The Fort. Di naman secret na talagang mahilig mambabae si Rizal. Malamang nga, baka siya pa ang mauna sa dancefloor. Pero kung sasayaw siya ng Chacha, Boogie, at Rumba, malamang pagtatawanan siya.

Pero kung nasa gimikan man siya, sino kaya ang mga kasama niya? Alam niyo ba yung kuwento nung nasa Paris siya ng mga kapwa niya rebolusyonaryo at kumain sila sa isang kainan nang walang pera? Sa tingin mo ba, magagawa pa yun sa ng mga friends niya sa panahon natin ngayon?


Rizal as a Myx/MTV VJ:


Di'ba nga magaling magsalita si Dr. Rizal, sa tingin mo ba makakahanap siya ng magandang trabaho? Siguro ang pagiging VJ na sa isang music channel ang pinakamagandang trabaho para sa kanya, kasi di tulad ng sa call center, di niya na siguro kelangan magpuyat.

Na-iimagine mo ba siya kapag naghost siya ng Myx Daily Top Ten?

"Muling nagapi ng bandang Jonas Brothers ang iba't ibang banyaga at sariling atin na mga awitin sa kanilang awit na pinamagatang When You Look Me In The Eyes. Sa kasalukuyan, nangunguna sa ating talaan ang bandang binubuo ng mga 'T*ng *nang mga dayuhan yan ngunit datapuwa't subalit, kung iaaalay niyo ang buhay niyo at iboboto ang Universe ni Rico Blanco, mangunguna rin ang awiting sariling atin... blablabla"

Rizal as an OFW:

Nung buhay pa si Rizal, marami siyang natulungan sa pagiging doktor niya. Sabi ni Ma'am Quinto, Opthalmologist daw siya. Pero kung panahon natin ngayon siya nabuhay, malamang magiging OFW siya. Magiging doktor siya hindi para tulungan ang mga kababayan niya kundi para mairaos niya ang kanyang pamilya.

At dahil OFW siya, malamang masama siya sa layoff ng mga ospital sa Amerika dahil sa humihinang ekonomiya. Uuwi siya siguro ngayong pasko na passport lang ang dala. Walang suweldo, walang 13th month bonus. Kawawang pepe.


Rizal as an Activist:

Sa sobrang gulo ng Pilipinas ngayon, 90% sure ako, magiging aktibista si Rizal. Makikita mo siya tuwing holiday sa Mendiola, Welcome Rotonda o sa Commonwealth.

At dahil matatas magsalita ang ating pambansang bayani at may paninindigan siya, malamang, siya ang magiging leader ng Akbayan o BayanMuna, pero di siya papasok sa pulitika. At dahil magiging leader siya, malamang, ipapahuli siya ni Gloria at ikukulong sa Crame. O di kaya siya ay dudukutin ng mga sundalo at kapag tinanong mo sila ay sasabihin nilang hindi nanaman nila alam. O di kaya baka napasama din siya sa humahabang listahan ng mgaextrajudicial killings.


Rizal as a Scientian:
 
Oo nga noh? Paano nga kaya kung kaklase natin si Jose? Siguro minani niya lang yung entrance exam at napasa niya yun kahit di na siya magbayad ng kung anu-ano pa. Malamang, nagjourn din siya at umalis din siya sa journ dahil hindi niya gusto ang bagong programa. Siguro magboblog din siya o di kaya, dun niya ilalagay yung Noli at El Fili niya. Malamang, mapapatawag din siya sa office dahil sa mga pinagsususulat niya sa blog. Malamang nagsulat din siya tungkol sa hindi magandang sistema sa Kisay tapos pag pinagpaliwanag siya malamang di din siya patatapusin sa pagsasalita. haha. Malamang lumapit na siya sa Supreme Court at sa Ombudsman dahil hindi niya mapagkakatiwalaan ang DepEd QC. Malamang may mga kausap din siyang lawyers at naglilista na siya ng mga kaso laban sa mga lumabag sa karapatan niya. Malamang marami siyang girlfriend sa Kisay, e no? hahaha.